Bhagavad Gita: Chapter 10, Verse 19

ஶ்ரீப⁴க³வானுவாச¹ |

ஹன்த¹ தே¹ க¹த²யிஷ்யாமி தி³வ்யா ஹ்யாத்மவிபூ⁴த¹ய: |

ப்¹ராதா⁴ன்யத¹: கு¹ருஶ்ரேஷ்ட² நாஸ்த்¹யன்தோ¹ விஸ்த¹ரஸ்ய மே ||19||

ஸ்ரீ-பகவான் உவாச--—இறைவன் கூறினார்; ஹந்த—--ஆம்; தே--—உங்களுக்கு; கதயிஷ்யாமி--—நான் விவரிக்கிறேன்; திவ்யாஹா—--தெய்வீக; ஹி—--நிச்சயமாக; ஆத்ம—விபூதயஹ--—என் தெய்வீக மகிமைகளை; ப்ராதாந்யதஹ--—முக்கியமான; குருஶ்ரேஷ்ட----குருக்களில் சிறந்த; ந----இல்லை அஸ்தி---இருக்கிற; அந்தஹ----முடிவே; விஸ்தரஸ்ய—--விரிவான மகிமைகளின்;மே—--என்; (ந---ஆஸ்தி---வேறு இல்லை)

Translation

BG 10.19: பகவான் கூறினார்: குரு வம்சத்தினரில் சிறந்தவனே, எனது தெய்வீக மகிமைகளை இப்பொழுது சுருக்கமாக உனக்கு விவரிக்கிறேன், ஏனென்றால் அளவைகளின் விவரங்களுக்கு முடிவே இல்லை.

Commentary

அமர் கோஷ் (பழங்கால ஸமஸ்கிருத அகராதி பரவலாக மதிக்கப்படுகிறது) தெய்வீக மகிமைகளை விபூ⁴தி¹ பூ⁴தி¹ர் ஐஷ்வர்யம் (சக்தி மற்றும் செல்வம்) என வரையறுக்கிறது. கடவுளின் சக்திகளும் செல்வமும் வரம்பற்றவை. உண்மையில், அவரைப் பற்றிய அனைத்தும் வரம்பற்றது. அவருக்கு வரம்பற்ற வடிவங்கள், வரம்பற்ற பெயர்கள், வரம்பற்ற தங்குமிடங்கள், வரம்பற்ற அவதாரங்கள், வரம்பற்ற பொழுதுபோக்குகள், வரம்பற்ற பக்தர்கள் மற்றும் பல. எனவே, வேதங்கள் அவரை அனந்த¹ வரம்பற்ற (அனந்த¹)என்ற பெயரால் குறிப்பிடுகின்றன:

அனந்த¹ஶ்சா¹த்¹மா விஸ்வரூபோ¹ ஹ்யக¹ர்தா¹

(ஶ்வேதா¹ஶ்வத¹ர உபநிஷதம் 1.9)

'கடவுள் எல்லையற்றவர் மற்றும் பிரபஞ்சத்தில்

எண்ணற்ற வடிவங்களில் வெளிப்படுகிறார். அவர் பிரபஞ்சத்தை நிர்வகித்தாலும், அவர் செயல்படாதவர்.' ராமாயணம் கூறுகிறது:

ஹரி அனந்த¹ ஹரி க¹தா² அனந்தா¹

‘கடவுள் வரம்பற்றவர், அவருடைய வரம்பற்ற அவதாரங்களில் அவர் செய்யும் பொழுது போக்குகளும் வரம்பற்றவை.’ முனிவர் வேத வியாசர் சொல்கிறார்:

‘யோ வா அனந்த¹ஸ்ய கு³ணாநனந்தா¹ன் அநுக்¹ரமிஷ்யந் ஸ து¹ பால-பு³த்³தி⁴ஹி

ரஜான்ஸி பூ⁴மேர் க¹ணயேத்¹க¹தாஞ்சித்க¹லேன நைவாகிலஶக்¹தி¹ தா⁴ம்நஹ

(பா⁴க³வத¹ம் 11.4.2)

‘கடவுளின் மகிமைகளை எண்ணிவிடலாம் என்று நினைப்பவர்களுக்கு குழந்தைத்தனமாக புத்தி உள்ளது. பூமியின் உச்சியில் உள்ள தூசியின் துகள்களை எண்ணுவதில் நாம் வெற்றி பெறலாம், ஆனால் கடவுளின் எல்லையற்ற மகிமைகளை நம்மால் எண்ண முடியாது.’ எனவே, ஸ்ரீ கிருஷ்ணர் தனது ஐஸ்வர்யங்களின் ஒரு சிறிய பகுதியை மட்டுமே விவரிப்பார் என்று இங்கே கூறுகிறார்.